Verbrauchertelegramm Europa-Ausgabe setëmber 2019

Beilage zur ladinischen Europa-Ausgabe Nr. 71 - Redaktion: Europäisches Verbraucherzentrum


VACANZES

Mancianzes te hotel – co scrí na reclamaziun

Nia dötes les porsones che é jüdes en vacanza s'á relassé. Na gran vera porvia de laurs, l'aredamënt rot, paz y cinamai antlüsc: le numer de mancianzes te hotel é veramënter alt. Co dess pa se comporté le ghest sce sües vacanzes da d'isté vá tan mal?
Al é important da se lascé sö atira sön le post y por scrit, ajache che che ne denunziëia nia n'á feter degönes poscibilités da ciafé n smendrimënt dl prisc o na retüda. Al ne tleca nia ma descrí la mancianza. An mëss cöie adöm les proes cun fotografies y video. Ti dé dant al ostí n termin che vais bun por tó y jí cun les mancianzes porta sovënz pro a podëi a vigni moda se gode la vacanza, ince tl caje de de pici problems tl scomenciamënt.
Sce la reclamaziun sön le post dl ghest ne porta degun resultat ves aconsiunse da ortié n iade che i sëis a ciasa na reclamaziun por scrit damanan n smendrimënt dl prisc o na retüda di cosć. I podëis tó öna dles lëtres scrites dant dala ZCE che vëgn metüdes a desposiziun debann y che i ciafëis sön le sit internet.


VACANZES

Co vëgn pa regolamentada la dejdita de n'apostaziun de n hotel?

I consumadus damana la ZCE: “I á aposté n hotel, mo i ne sciafi nia da pié ia. Sëgn me damana l'ostí da paié döta la soma. Mëssi veramënter paié?“ La resposta a chësta domanda é normalmënter che na prenotaziun de n hotel ne pó nia gní desdita debann.
Tan che an mëss avisa paié, vëgn dé dant tles condiziuns d'apostaziun. La ZCE ti aconsiëia te chisc caji ai consumadus da chirí le dialogh cun l'ostí: damanan da sborlé la sojornanza o chirin zacai por ti surandé l'apostaziun y ne perde insciö nia i scioldi dla sojornanza.
De plü informaziuns sön chësc argomënt é danman sön le sit web dla ZCE .


TRAPOLADES SÖN INTERNET

Metede averda ai abonamënc-streaming che ingiana

La ZCE de Balsan ciafa tres inant segnalaziuns da pert de consumadus che á ciafé domandes de paiamënt da pert de sic todësc che pîta abonamënc de streaming. Ala fin dl tëmp de proa debann ciafa la porsona interessada naota na domanda de paiamënt por e-mail. Sce ara ne paia nia ciafa le consumadú telefonades o e-mails manacioses y sce le consumadú ne paia tres ciamó ne nia se ativëia agenzies de recuperada de credic falzes che manacia l'aboné da pluré dan signoria.
- No se lascede sprigoré da manaciades!
- No paiede!
- Tolede nostes lëtres debann por todësch che i podëis desćiarié da nosc sit web.


METEDE AVERDA DA NE GNÍ NIA INGIANÁ!

Milesc de euro pordüs porvia dl trading online

Ala ZCE ti röiel segnalaziuns de consumadus che á pordü sü scioldi ponsan da fá n bun investimënt sön plataformes de trading online. La maiú pert di consumadus é gnüda contatada al telefon: i consulënc ti cuntâ dant ai consumadus che ai ess davagné cun i investimënc de gran somes. D'atri consumadus cunta indere che ai é gnüs ingianá dal retlam sön i social media.
Ma te öna n'edema á la ZCE ciafé, sce an cumpëda adöm les somes, segnalaziuns por feter 600.000 euro pordüs dai consumadus. I paiamënc bancars devers l'ester é gnüs fac devers Dubai, Belize o l'Estonia y la poscibilité de recuperé chëstes somes é dër dër bassa. No se lascedé impizé sö dales ofertes, mo liede sön la plata web dla ZCE sciöche an pó gní trapolá!