Verbrauchertelegramm Europa-Ausgabe Setëmber 2016

Beilage zur ladinischen Europa-Ausgabe Nr. 63 - Redaktion: Europäisches Verbraucherzentrum

MULTILEVEL-MARKETING Y SISTEMS PIRAMIDAI

Criptovalütes: i prighi y i risć
La coriosité sön les criptovalütes crësc dassënn y á n'atraziun fatala por che che ó debota multipliché sü scioldi. Mo ince sön le marcé dles criptovalütes él ofertes che é sistems piramidai ilegai. Tla Zentrala di Consumadus Europeica – Ofize de Balsan (ZCE) röiel adalerch tröpes segnalaziuns che reverda les criptovalütes: dal momënt che al é tröpes domandes y confujiun sön les criptovalütes, ciara la ZCE da stlarí n valgönes cosses. Por de plü informaziuns ciaredi a nosc sit.

IMPRESTÉ N AUTO

AGCM sospënn por na sigöda l'ativité de Dexcar
L’Autorité Garanta dla concorënza y dl marcé (AGCM) á tut n provedimënt por archité l'ativité de retlam de Dexcar y de d'atri profescionisć che laora insciö tres sic internet y manifestaziuns d'informaziun sön le teritore talian. Da jená dl 2016 incá él tröc consumadus che á scrit fora le formular de contat online sön le sit www.dexcar.ch o é gnüs inviá a tó pert a manifestaziuns por promöie le sistem d'imprëst Dexcar, gnüs dala Zentrala di Consumadus Europeica (ZCE). Chësc sistem se presentâ cun de plü slogans, danterater “Le su imprëst d'auto che s'azerëia y te ret i scioldi”, y gnô presenté sciöche revoluziun economica sön le marcé dl imprëst d'auti. Ai 4 d'agost ti á l'AGCM dit ala Dexcar da archité vigni ativité de gestiun y retlam dl sistem, scenó mëssera paié na sanziun aministrativa da 10.000 a 5.000.000 euro. De plü informaziuns sön co che ara é jöda y les rajuns dl provedimënt é da ciafé sön le sit dla Zentrala di Consumadus Europeica.

E-COMMERCE

Online shopping: prigo de marcianzia falsa!
Vitima dla moda o ma na vitima? Tröc consumadus che chir prisc arbassá o n produt che an ne ciafa nia saurí, cumpra online. Porimpó pó ince le consumadú che s'un capësc fora cumpré na tascia, n'ora o n tablet falz. Cun le risch che al se ciafes ince na multa por avëi cumpré na cossa falza. Ci fá te chisc caji? La ZCE aconsiëia da mëte averda y da tigní cunt de n valgönes cosses.


Caje dl mëis
Na consumadëssa taliana á aposté tres n'agenzia na vacanza ai Caraibi por ëra y so om. N iade che ai ê rová te holtel n'âi nia podü jí tl hotel aposté y â messü jí te n ater hotel. Motivaziun: i consumadus ê piá ia da n aeroport todësch ince sce ai ê talians. I consumadus s'á porchël lascé sö cun le tour operator austriach che ti á pité 200 euro de refata. Porimpó é i consumadus talians, che aratâ che chësta soma ne jiss nia bun, jüs dala Zentrala di Consumadus Europeica Talia – Ofize de Balsan, che á contaté la Zentrala di Consumadus Europeica Austria, ajache ara se tratâ de n tour operator austriach. L'intervënt di colegs austriacs á albü suzes y porchël ti á le tour operator pité ai consumadus 500 euro do avëi ciamó n iade ciaré jö la lamentanza. Le Tour Operator á dé pro che ara se tratâ de n caje de overbooking!