Verbrauchertelegramm Europa-Ausgabe Utober 2016

Beilage zur ladinischen Europa-Ausgabe Nr. 70 - Redaktion: Europäisches Verbraucherzentrum

E-COMMERCE

Apajamënt online
Por ciafé na soluziun a n'esperiënza negativa de cumpra él cater vari scëmpli da fá: al basta ti rové pormez ala plataforma europeica ODR de apajamënt online. Sce i ëis albü problems cun cumpres online podëise porvé da ciafé na soluziun extraiudiziara tres nosc portal. I podëis ma adoré chësc sorvisc sce i viës tl’Uniun Europeica y sce le comerziant á ince süa sënta tl'Uniun Europeica. Te n valgügn paisc podëise ince s'anuzé de chësc sorvisc sce i sëis n comerziant y i orëis fá na reclamaziun cuntra n consumadú por n produt o n sorvisc che i ëis venü online. De plü informaziuns él da ciafé sön la plata internet dla Zentrala Consumadus Europeica da Balsan.

E-COMMERCE

Rëi Wi-Fi daverta al publich: i gesturs n'é nia responsabli
N proprietar de na botëga todëscia de musiga á metü a desposiziun de süa clientela na rëi Wi-Fi daverta. N cliënt á adoré chësta rëi por ti pité a d'atri la poscibilité da desćiaré debann n album de musiga. Sön na tara él salté ite la Sony, titolara di dërc dl album, fajon na plüra al proprietar. Sëgn á la Curt de Iustizia dl'Uniun Europeica detlaré che le fornidú de na rëi wireless n'é nia responsabl por les violaziuns dl dërt d'autur cometüdes da terzi. Porimpó stabilësc la sentënza dla Curt de Iustizia dl'UE che le proprietar de na rëi WLAN mëss protezioné la conesciun tres na password, sce chësc ti vëgn damané. Insciö vëgnel schivé che zacai adores la rëi por violé la lege te na manira anonima. De plü informaziuns ciafëise sön la plata internet de nüsc colegs austriacs.

AUTO

Straufunghes sön strada dal ester: al é da paié!
De merz de chësc ann á ince la Talia rezepí cun le decret legislatif n. 37 dl 2016 l'ativaziun dla dezijiun cheder 2005/214/JI dl Consëi dl'Uniun Europeica sön l'aplicaziun dl prinzip de reconescimënt reziproch de multes y straufunghes de scioldi ti stac che fej pert dl'Uniun Europeica. La Zentrala Consumadus Europeica spliga ci che al se müda por le zitadin talian a chël che al ti röia te ciasa na contravenziun al regolamënt stradal da n'autorité da foradecá. Cun l'atuaziun dla dezijiun cheder n'él da merz incá nia plü che tëgn sö l'esecutivité de straufunghes che vëgn da foradecá: les infraziuns al regolamënt stradal vëgn naota reconesciüdes tla Talia y pó spo dedô gní eseguides. Chësc ó dí che al vëgn tut dötes les mosöres che ó ester por trá ite l'import dal patrimone dla porsona interessada. De plü informaziuns él da ciafé sön la plata internet dla Zentrala Consumadus Europeica da Balsan.


Caje dl mëis
Frida, na consumënta dl’Austria, se la confortâ bele da passé indô süa vacanza te n bel camping tla Toscana olache ara tol bele da agn adinfit deboriada cun süa familia n camper amesa le vërt y la natöra nëta. Mo n bel de dadoman, canche ara se descedâ, êra plëna de te’ punc cöci sura döt le corp. Ara ê gnüda morta da antlüsc, plü dessigü por via dla blanciaria da let lavada malamënter. Frida jô da n dotur dl post y spo lasciâra ester süa sojornanza tla Toscana y s’un gnô deboriada cun süa familia indô a Viena, olache ara se lasciâ vijité da n dotur de süa crëta. Ara á doré plü co n mëis cina che i tac sön so corp foss sparis daldöt. Implü ára ciamó messü tó ite medejines. Frida s’á adressé ala Zentrala Consumadus Europeica da Viena che á contaté spo nosc ofize da Balsan. Nos un spo mené inant la reclamaziun al camping. Frida á insciö ciafé derevers le 75 % dl prisc dla vacanza paié. Almanco insciö é le fat desplajor impó ciamó jü a mesanamënter a bun fin.