Verbrauchertelegramm Europa-Ausgabe Utober 2017

Beilage zur ladinischen Europa-Ausgabe Nr. 78 - Redaktion: Europäisches Verbraucherzentrum

IADI Y VACANZES

Arobá fora en vacanza: la responsabilité dl hotelier
Datrai vëgn les vacanzes baldi rovinades porvia de n’arobada: dala ciamëna de hotel vëgnel arobé le tacuin, contanc y aparac da fá jö o dal garage dl hotel sparëscel rodes da gara o schi.
Por i caji de arobaries te hotel, la dá i consumadus sovënz sö n iade che le hotelier ti dij che la gauja n’é nia süa, mo di consumadus che n’á nia adoré le tresur o á lascé l’üsc davert.
Pordërt n’éra pa nia insciö da n punt de odüda iuridich.
La lege é tlera: les acordanzes o les detlaraziuns destinades a stlü fora o limité preventivamënter la responsabilité dl hotelier ne vel nia.
De plü informaziuns sön l'argomënt é da ciafé sön nosta homepage.

IADI Y VACANZES

“Aiüt! Mi jore é gnü straiché!”
Sce le jore vëgn straiché ne pó la compagnia di fligri nia ma arbandoné le passejier.
Le regolamënt sön i dërc di passajiers di fligri n. 261/2004 prevëiga che le passajier mëss avëi la poscibilité da chirí fora danter se fá rete le cost dl iade y chirí fora n ater jore, pornanche ara vá o canche al ó, por chë destinaziun.
Implü mëss la compagnia pité assistënza (pasć, boandes, pernotamënc) aladô de tan dî che al é da aspeté.
I passajiers á le dërt da ciafé n’indenisaziun aladô dla lunghëza dla trassa sce la straicada dl jore ne vëgn nia lasciada alsavëi por tëmp y ora.
Ëise ciamó domandes por ci che reverda üsc dërc de passajier de fligri?
Sön nosc sit internet ciafëise de plü informaziuns y le model de lëtra da ti ortié ala compagnia di fligri.

MULTILEVEL-MARKETING Y SISTEMS PIRAMIDAI

Sistem piramidal che ingiana OneCoin - La ZCE y la ZCS mët a desposiziun n model de lëtra por ciaré da recuperé val’
Sön segnalaziun d’agost dl 2016 dla Zentrala Consumadus dl Südtirol (ZCS), che gestësc la Zentrala di Consumadus Europeica (ZCE) a Balsan, á l'Autorité Garanta dla Concorënza y dl Marcé (AGCM) straufé dan da püch les sozietés ONE LIFE NETWORK LTD, ONE NETWORK SERVICES LTD, Easy Life S.r.l., sciöche ince i titolars di sic onecoinsuedtirol.it, onecoinitaliaofficial.it, onecoinitalia.com.
Por chësta rajun inviunse düc i consumadus interessá a desćiarié le model de lëtra dal sit internet dla Zentrala di Consumadus Europeica: www.euroconsumatori.org.


Caje dl mëis
N consumadú jonn talian orô dé so contribut por sconé la natöra incër nos ia. Ajache al â dui fonins che al n’adorâ nia plü ál contaté n’aziënda spagnola spezialisada tl reziclaje de aparac eletronics impede i sciuré demez. Le profescionist á organisé y paié instës la retrata di fonins y fat fora cun le consumadú da ti dé 40,00 euro por i dui fonins. Chësta soma foss stada da paié sön le cunt Paypal dl jonn. Le profescionist á lascé gní a do i dui fonins mo n’á nia paié la soma fata fora.
Le consumadú é jü dala Zentrala Europeica di Consumadus Talia – ofize de Balsan, che á daurí na pratica tla rëi ECC, ortiada ai colegs dl ZCE dla Spagna, do avëi contaté por scrit le profescionist y n’ester nia sté bun da ciafé na soluziun.
I colegs spagnoi á contaté l'aziënda, che á püch dedô paié la soma fata fora.