Verbrauchertelegramm Europa-Ausgabe Nuvëmber 2021

Beilage zur ladinischen Europa-Ausgabe Nr. 87 - Redaktion: Europäisches Verbraucherzentrum


EYE2021

Co vëgnel pa ciaré dla jonëza dl’Europa

Sostignibilité y digitalisaziun, chisc é i temesc plü importanc dl Evënt europeich dla jonëza (EYE2021) che é sté en vëndres, ai 8 y en sabeda, ai 9 d’otober a Straßburg, a chël che al á tut pert milesc de jogn y jones da düc i Paisc dl’Uniun Europeica. La Zentrala di Consumadus Europeica ciara dla jonëza cun consëis y sostëgn por ci che reverda tröc ciamps: danter les atres cosses, le consëi da tó la ferata o le bus por schivé le flight shame ponsan al ambiënt; le promemoria dl fat che trasmëte debann contignüs danman ma a paiamënt é n reat penal; le consëi da ne ti jí nia pormez al contignü online de n jüch sce an ó s’anuzé di 14 dis por le dërt de retrata ... De plü informaziuns é da ciafé te nosc comunicat stampa.


IADI ORGANISÁ DA SUSC

Tan costa pa la flessibilité?

Al é tres de plü porsones che organisëia plü ion sües vacanzes instësses, paian separat le jore, da se impresté fora l’auto, le hotel… Mo al ne vá nia dagnora döt bun. L’important é da ne se lascé nia ingiané da ocajiuns falzes ciafades sön i portai de prenotaziun, controlan, sce ara vá, diretamënter i prisc sön le sit dla compagnia de jore o dl hotel. Sce al é veramënter miú marcé da prenoté sön n portal online, él damí da tigní cunt sce al paia la mëia da sparagné sce al ess da ester complicaziuns sovënz ceres che vëgn a se le dé sce n jore vëgn straiché. Les compagnies de jore ti ret de regola i scioldi al intermediar, y sovënz ti fej chësc paié al consumadú comisciuns por la retüda che vá feter a öna cun le prisc dla cherta. Implü án sovënz dificoltés da contaté chisc portai. Al é de plü problems y ala fin él pö ma important da se gode la vacanza. Por nen savëi de plü consultede nosc comunicat stampa.


SOCIAL MEDIA

Co ti sciampé ales trapolades

Oramai n’él plü feter degügn che ne s’anüza nia de n social network. Al é tres de plü utënc de Facebook, Instagram y dles atres plataformes. Tl medemo momënt ciafunse tres de plü segnalaziuns da porsones tomades tla tënora de jënt che s’anüza di social por trapolé. Chiló ciafëise n valgügn consëis sön co schivé de burtes esperiënzes: l’account personal dess dagnora ester privat, a chësta moda vára da chirí fora ma i messaji y i vijitadus de osc profil; controlede le profil dles porsones che ves scrí, controlede sce les fotografies che ares publichëia podess ester veramënter sües y consultede le svilup storich dl account; anuzesse de n sistem de autentificaziun dopla por ti rové pormez. De plü informaziuns te nosc comunicat stampa.

CAJE DL MËIS
Chësc iade ves cuntunse de sciöche dui consumadus talians é stá bugn da se fá dé rajun sön süa reclamaziun sön la plataforma ODR, le portal online metü sö dala Comisciun Europeica por ciafé na soluziun tl caje de stritaries liades a val’ che an á cumpré tla rëi (chiló spligunse de ci che ara nen vá). Tramidui â cumpré dala medema botëga online n aparat eletronich da passa 700 euro. Do che al ê passé le tëmp preodü por la fornidöra zënza avëi ciafé val’ noela dal venditur, á i consumadus damané do informaziuns sön la situaziun dl ordin, damanan naota che al gniss dé jö le produt, y spo fajon avarëi so dërt de retrata y damanan la retüda di scioldi - ince te chësc caje zënza resposta. Impormó do avëi dé jö la reclamaziun sön la plataforma ODR, s’á l’aziënda cruzié da ortié le produt comané a un y da ti rete i scioldi al ater.