Verbrauchertelegramm Europa-Ausgabe Jené 2014

Beilage zur ladinischen Europa-Ausgabe Nr. 7 - Redaktion: Europäisches Verbraucherzentrum


OCIO TRAPULA!

Ghiranzes de paiamënt fauzes ncantëur

Pra la Zentrela Cunsumadëures Europeica (EVZ) a Bulsan iel ti ultimi dis unit ite truepa dumandes de cunsumadëures che à giapà tres email ghiranzes de paiamënt misteriëues da pert di aucac Urmann y colegs. Da paië fossel marati stat n debit de na gran soma da 3000 Euro insù, per ti avëi cialà a video porno. Al adressat ti vëniel dit de giaurì n file tl format zip tla njonta, che dassëssa cuntenì i cuntac, i dac de banca y la desmustrazions curespundëntes. Danz ne recunësc truep sistems antivirus nia l pericul fajan a na moda che n ne pudësse nia giaurì l documënt: Laite se scuend n troian periculëues! Chi che ëssa da giapé na tel email dëssa la cancelé y ne la giaurì no te degun cajo! Mo plu nfurmazions in Italian.


AGENZIES MATRIMONIELES

Plura per agenzia matrimoniela austriaca

Da urmëi 10 ani ti dà la Zentrela Cunsumadëures a Bulsan nfurmazions ai/ala cunsumadëures che à la ntenzion de stlù ju n cuntrat pra n’agenzia matrimoniela. L’esperienza dla ZCE de Bulsan te chësc ciamp ie baseda sun l tratamënt de na lingia longia de caji de cunsumadëures sudtirolejes che à nciarià n’agenzia matrimoniela austriaca cun cie che ti sta a cuer. Do n valguna denunzies pra la procura dla Republica de Bulsan giapa la cuestion śën nce na relavanza penala: L’acuses ie bendebò pesoces y ne n’à nia truep da nfé cun l amor y l’ana jumblina: Les à da nfé cun trapuleda, sfrutamënt de persones che ne ie nia tla cundizions de se defënder, cun recat y viulazion dla lege sun la privacy.
Sun la plata web dla ZCE giapëis mo plu nfurmazions y cunsëies per i/la cunsumadëures che ulëssa se nuzé dl servisc de n’agenzia matrimoniela.

Consultazion publica

Nchin ai 31 de jené 2014 ëis la puscibltà de tò pert ala consultazion publica dla Cumiscion europeica per l’ejaminazion dl Regulamënt sun la cooperazion tla defendura di/dla cunsumadëures. Tlo pudëis azeder al cuestioner online.


L CAJO DL MENS

Ciauzei ce pascion!

Chëst’ iede vala de na cunsumadëura dla Lituania cun na pascion per ciauzei de marca taliana. Cie ie pa suzedù: La cunsumadëura à cumprà te na butëiga de San Marino n per de sandales. Canche la fova inò a cësa, les àla trates sëura mé n valgun iedesc pra l lëur te ufize, ma la se à tosc ntendù che i pitli cioi fajova franses. La à nsci cuntatà l cunsumadëur a San Marino che ne ulova nia n savëi de se nuzé dl dërt di cunsumadëures UE y de garanzia y ti à mé dit de cuntaté l produtëur cun sënta tla Talia.
Nsci à la cunsumadëura cuntatà la ZCE lituana damandan che la ti jude. Chësta à passà l cajo ala ZCE taliana che à pona cuntatà l produtëur talian. Chësc fova debota a una de baraté la sandales cun n per de nueves dl emdemo model y l cajo semiova stlut ju. Ma la cunsumadëura ne fova nia a una cun la pruposta ajache la se temova che nce l segondo per de sandales ëssa pudù avëi l medemo defet y la se à nsci damandà de giapé n auter model de sandales. La cunsumadëura ne ova perdrët deguna rejon giuridica de giapé n auter model, ma l produtëur se à mpò lascià ite tl barat dla sandales y ti à mandà l model che la cunsumadëura ulova, do che chësta ti ova mandà de reviers la sandales da defet.