Telegram cunsumadëures Lugio 2015 – Viages speziel
Beilage zur ladinischen Europa-Ausgabe Nr. 49 - Redaktion: Europäisches VerbraucherzentrumLa Zentrela Europeica Cunsumadëures (ZEC) de Bulsan elaburea uni ann 4000 dumandes d’aiut da pert de cunsumadëures de duta la Talia y da d’autri stac dla UE sciche l’Islanda o la Norvegia. La gran pert de chësta dumandes reverda l ciamp di viages y dla vacanzes.
Pra la dumandes cun chëles che la culaburadëures dla ZEC vën cunfruntedes plu suvënz vëniel suvënz ënghe ora che truepa situazions ncompres y truep problems pudëssa unì schivei: datrai tlechëssa n tlich de manco y n’assegurazion de viac deplù. Ma mé cunsumadëures nfurmei ne lascia nia a cësa si dërc. Y nce de gra ala UE ne va i dërc di/dla cunsumadëures mei n feries. Ma mpò iel debujën dla drëta nfurmazions y de n aiut cuncret per fé valei si dërc, coche i vën pitei da istituzions per la defendura di/dla cunsumadëures.
Per pudëi se nuzé dl servisc de cunsulënza debant dla ZEC possa i/la cunsumadëures cuntaté la ZEC tres e-mail info@euroconsumatori.org o cherdé su la culaburadëures per telefonn sot al numer 0471-980939. L material de nfurmazion ie nce da garat online sun la plata dla ZEC http://www.euroconsumatori.org/81913d81915.html.
EEC-NET: TRAVEL APP
La app de viac mubila debant ie n acumpaniadëur de viac ideal!
Cun la ECC-Net: Travel App ve pieta la rë dla zentreles europeiches cunsumadëures (ECC-Net) nfurmazions legales, n sustëni pratich y aiut linguistich per 101 situazions tipiches te na sëula aplicazion. La app ie da garat per duc i 28 stac dla UE sciche nce per la Islanda y la Norvegia y funzionea te 25 rujenedes europeiches. La ti juda ai viagiadëures tl’Europa a se deriejer te situazions ncompres oradecà y a fé valei si dërc de cunsumadëures tl stat ulache i ie iust de viac. La app funzionea ënghe canche n ie offline a na moda che l ne vën nia a s’l dé de gran spëises de roaming y la possa unì ciarieda ju debantDeplù nfurmazions y links download giapeis tlo: http://www.euroconsumatori.org/wdb.php?lang=de&modul=new&action=v&b=0&folder_id=0&oid=153.
ROAMING
La chëutes vën smendrides o tëutes ju
L roaming ie la puscibltà de azeder cun n fonin o n auter njin a na rë defrënta da chëla dl gestëur de rë de fonin che n nuza normalmënter. L roaming ie de mpurtanza dantaldut, canche l nuzënt ie te n stat oradecà. Ti ultimi ani à la Cumiscion europeica unificà i cosć de roaming a livel dla UE: dal 2007 iesi unic arbassei dl 80%. Chisc cosć unirà bonamënter mo arbassei ai 30 d’auril dl 2016: Cherdé su da oradecà (tla UE) custerà pona mé plu 5 cent (śën 19 cent per telefonedes che va oravier, 5 cent per telefonedes che vën ite), SMS 2 cent (śën 6 cent) y jì tl internet al plu 5 cent per megabyte (śën 20 cent/mb). Ai 15 de juni 2017 dëssa la spëises de roaming pona unì tëutes ju definitivamënter, scebën che i gestëures de rëies puderà mpò mo preudëi vel’ limitazions, p.ej. sce ie é n cuntrat per l fonin talian ma vive tresora te n auter stat dla EU.Tëma dal viagë?
Cialëde sun la plata web dl Ministere per oradecà dla Talia sce l ie n’amunimënt per vosta destinazion de viac: http://www.viaggiaresicuri.it.