Verbrauchertelegramm Europa-Ausgabe Ma 2022

Beilage zur ladinischen Europa-Ausgabe Nr. 39 - Redaktion: Europäisches Verbraucherzentrum

SCIAMPAN DALA VERA
Sanzionada por n’avëi nia detlaré i sparagns
A na profuga ucraina ti él gnü fat na straufunga de passa 3 mile euro, ajache ara n’â nia detlaré, canche ara ê rovada tla Talia, d’avëi para zirca 35 mila euro, sü sparagns. Jon inant devers dla Svizera éra gnüda controlada sön le confin pro la dogana y straufada. Sciöche Zentrala di Consumadus Europeica unse segnalé le caje al Ministere dl’Economia y al’Agenzia dles Doganes, ajache ince sce la sanziun é preodüda dales normes europeiches y talianes varëntes, él da controlé sce ara jiss da antergní porvia dla situaziun straordinara. De plü informaziuns sön le caje ciafëise chiló.

Dërc di passajiers di fligri

La Curt de iustizia dl’Uniun Europeica i renforza

Cun la sentënza dla plüra C-561/20 á la Curt de Iustizia dl‘Uniun Europeica confermé che i passajiers di fligri pó se fá avarëi dagnora sü dërc, sce le iade á metü man tl’UE – ince sce la compagnia di fligri n’é nia europeica - por n jore defora dal'UE. Tl caje por ejëmpl de n’intardiada de passa 3 ores de n jore, olache le fligher é pié ia y arsí defora dal’UE, aposté sciöche pert de n iade da de plü trasses pié ia tl’UE vëgnel apliché i dërc preodüs dal regolamënt 261/2004, ince sce la compagnia de jore á na lizënza de n ater Paisc. Ai passajiers ti pól porchël speté ince te chisc caji na retüda. Por de plü informaziuns.

WELCOME UKRAINIANS

Na seziun aposta sön nosc sit

Al é rové o rovará ince tla Talia tröpes porsones che sciampa dal’Ucraina porvia dla situaziun dramatica da sëgn. Sciöche i un lascé alsavëi ince sön nüsc canai online, él tröpes informaziuns y dovëis de chi che an mëss tigní cunt canche an röia adalerch (sciöche por ejëmpl le dovëi da detlaré i contanc che an á para sce an á para passa 10.000 €). Sön chësta plata internet él gnü publiché informaziuns d’öga por che che sciampa dal Ucraina.

CAJE DL MËIS
Al röia na mail: la polizia postala l’acüsa de pedofilia. Tla e-mail él ajunté n documënt che pé n at iudiziar. Le consumadú en chestiun, ince sce inozënt, s’intënn che süa vita podess gní rovinada saurí ajache dal’etichëta de pedofil, ince sce falza, ne vëgnon nia plü tan saurí lëdi. Al é na vedla trapolada che vëgn fata tres indô. Le trapolun, che dij da ester n polizist, damana do i dac personai y da paié ite 10 mile euro, dijon che ai gnará retüs do n tëmp de verda. La soluziun te n te caje é chëra da ignoré y cancelé la e-mail zënza fá ci che é gnü damané schivan da ortié inant dac personai y paié ite scioldi. Degöna sort de reat ne vëgn lasciada alsavëi tres e-mail te chë forma y le documënt ajunté é 100% falz.