Verbrauchertelegramm Europa-Ausgabe Auri 2022
Beilage zur ladinischen Europa-Ausgabe Nr. 30 - Redaktion: Europäisches VerbraucherzentrumSOSTIGNIBILITÉ T'EUROPA
Descurí scomenciadies t’Europa por sconé l'ambiënt
En gaujiun dl De mondial di dërc dles consumadësses y di consumadus, tigní en mertesc ai 15 de merz, á la Zentrala di Consumadus Europeica presenté n valgönes dles scomenciadies plü interessantes adotades t'Europa che s'orientëia ala sostignibilité y ala sconanza dl ambiënt. Dui ejëmpli de chësc vers é l’app daneja “Too Good To Go” y le trasport local publich debann tl Luxemburg. Por de plü informaziuns y descurí d'atres scomenciadies.TOGETHER IS BETTER
La cooperaziun é la fondamënta dla ECC-Net
La rëi dles Zentrales di Consumadus Europeiches (ECC-Net) é gnüda istituida dl 2005 por ciafé na soluziun a livel europeich ai problems danter les aziëndes y les consumadësses y i consumadus di Paisc desvalis. Ara se basëia sön la cooperaziun danter les personal de consulënza tles zentrales desvalies da ciafé te vigni Stat dl'Uniun Europeica y ince tl Rëgn Uní, tla Norvegia y tl'Islanda. Tla pröma edema de merz é Stefano Albertinini, nosc coordinadú dl ofize da Balsan, jü a ciafé sü colegs dla Spagna tl cheder de n study visit che á porté tröp. Insciö éra jüda da renforzé la colauraziun y l'intenüda danter les döes zentrales. Dagnora dala pert dles consumadësses y di consumadus: #conilconsumatore.Por de plü informaziuns.
BONS DE IADE COVID
<title3>La dorada de süa validité vëgn arlungiada a 30 mëisc</title<3>
Cun na mudaziun injuntada al “Decreto Milleproroghe”, jü en forza al 1. de merz dl 2022, él gnü arlungé la validité di "bons de iade Covid" a 30 mëisc. Ara se trata di bons che ê gnüs dá fora sciöche rembursamënt de iadi, pachec turistics, jites scolastiches y iadi d'istruziun che ê gnüs desdic porvia dla pandemia gaujada dal Covid-19. Mo chësc arlungiamënt ne rapresentëia indere nia na soluziun ideala por les consumadësses y i consumadus deache a chësta moda vëgn la retüda ciamó n iade trata en lunch. Por de plü informaziuns.
CAJE DL MËIS
Da cumpré ite online pól nen sozede de vigni corú y datrai pón davëi rové te situaziuns assurdes ... N consumadú talian s'â aposté online le model nü de n fonin. Canche le curier ti surandâ le pacl s'ál atira intenü che cizé ne jô nia. Le pacl ê trö massa lisier. Al le daurî sö ciamó canche le curier ê dailó: laite êl n preparat por medié na maratia di pësc y nia n fonin. Do che al ti â fat scrí sö al curier ci che al ê sozedü á le consumadú contaté le comerziant por savëi co fá da ti mené derevers le pacl che al â ciafé adinfal. Al ti gnô dé les istruziuns por la retüda che jô ince a bun fin. Mo les spëises che al â albü da ti mené derevers le pacl ne ti gnô nia rembursades. Al fajô na reclamaziun mo al ne jovâ döt cant nia. Insciö s'ál ponsé da contaté la Zentrala di Consumadus Europeica (ZCE) Talia. La reclamaziun ti é atira gnüda ortiada ala ZCE Luxemburg olache le comerziant â süa sënta. Por mirit dl'anotaziun dl curier y dles fotografies che le consumadú â fat éra jüda da stlarí la chestiun y al consumadú ti él gnü retü les spëises albüdes da mené derevers le pacl ... y al á sambëgn ince ciafé so fonin nü.