Verbrauchertelegramm Europa-Ausgabe Messè/Agost 2024
Beilage zur ladinischen Europa-Ausgabe Nr. 55 - Redaktion: Europäisches VerbraucherzentrumIADI
Le sorvisc de consulënza debann dla Zentrala di Consumadus Europeica (ZCE)
La Zentrala di Consumadus Europeica (ZCE) Talia, punt de contat talian dla Rëi dles Zentrales di Consumadus Europeiches (ECC-Net), á gestí chësc ann passa 10.000 domandes de informaziun y reclamaziuns sura i confins fora da pert de consumadus y consumadësses de döta la Talia y de d'atri Paisc dl'Uniun Europeica, sciöche ince dl'Islanda, dla Norvegia y dl Rëgn Uní. Tröc revardâ avisa le setur di iadi y dles vacanzes. I dërc de che che é sön le iade ne vá sciöche an sá mai en vacanza, y sciöche dagnora é la ZCE a desposiziun por daidé debann che che é sön le iade da s'i fá avarëi y stlarí dübi legai eventuai sön i iadi. I regolamënc europeics sön i dërc di passajiers por ejëmpl scona che che viagëia tl caje de problems sciöche intardiades o straicades. Liede sön le sit dla ZCE co fá da schivé problems bele canche i apostëis le iade.EURO 2024 tla Germania
I problems dla cherta de iade “Deutschland-Ticket”
Por 49 euro al mëis conzed la cherta de iade Deutschland-Ticket da s'anuzé zënza limic di mesi de traspor regionai y locai (cun lapró i bus, le tram y la metropolitana) te döta la Germania. Porimpó ne velera nia por les ferates che vá lunc sciöche por ej. por l'ICE, l'IC y l'EC. La travelcard mensila daldöt digitala pó gní cumprada sön le sit web dla Deutsche Bahn. An la ciafa ince tres l'aplicaziun DB Navigator y pro les aziëndes de trasport regionales y locales. Ara se trata de n abonamënt che an mëss desdí scenó se renovëiel automaticamënter. L'ultimo termin por desdí é ai 10 dl mëis. Chël ó dí che sce an desdij dedô vëgn l'abonamënt arlungé de ciamó n mëis. De plü informaziuns ciafëise chiló.UE
Temu devënta na VLOP
La Comisciun europeica á classifiché la botëga online Temu, che á passa 45 miliuns de anuzadus y anuzadësses tl'UE, sciöche na plataforma online da de gran dimenjiuns (Very Large Online Platform – VLOP) aladô dla lege sön i sorvisc digitai. L'aziënda messará porchël s'adaté ales desposiziuns plü sciodes dl Digital Services Act te cater mëisc dala notificaziun (en pratica por la fin de setëmber dl 2024) y surantó mosöres por stravardé i consumadus y les consumadësses da cumpré marcianzia nia sigöda o ilegala, ciaran dassënn dla prevenziun pro la venüda y la destribuziun de produc che podess danajé les porsones sot i 18 agn. De plü informaziuns ciafon chiló.CAJE DL MËIS
Na consumadëssa orô passé San Salvester cun sü compagns y sües compagnes a Londra y â chirí n cuartier adaté por na picia vacanza sön na plataforma d'apostaziun, ciafan n'oferta interessanta cun de beles fotografies dl cuartier. Öna dles imajes mostrâ n numer de telefon che la consumadëssa ess messü cherdé sö tres n sorvisc de messaji, sce ara ess orü aposté le cuartier. La consumadëssa ti á ortié al numer les informaziuns sön le tëmp de sojornanza, le numer de porsones y i.i... Spo ára ciafé na e-mail che gnô (ma) bonamënter dala plataforma d'apostaziun cun n link che condujô a na domanda de paiamënt de zirca 2000 euro. La consumadëssa á paié tres trasferimënt bancar, mo n'á mai ciafé la confermaziun definitiva dl'apostaziun, spo ti él gnü n dübe. Ala fin ára capí che al se tratâ de na trapolada.
La consumadëssa á damané aiüt pro la ZCE. La plataforma d'apostaziun ess bonamënter podü reconësce la trapolada, stravardé sü anuzadus y anuzadësses y schivé le dann, sce ara ess controlé damí l'avis y les fotografies y i ess tuc demez. La ZCE dl Paisc olache al é la sënta dla plataforma á contaté la plataforma, che á naota damané de plü informaziuns y documënc por capí damí ci che al ê sozedü. Ala fin ti á la plataforma d'apostaziun retü döta la soma ala consumadëssa.